Á sjó

Á sjó
(Lag / texti: erlent lag / Ólafur Ragnarsson)

Á sjó þeir sóttu fyrr
og sigldu um höfin blá.
Þeir eru fræknir fiskimenn
og fást um úfinn sjá.
Milli hafna um heiminn
þeir halda sína leið.
Á sjó – þeir sækja enn
og sigla um höfin breið.

Fræknir sjómenn fyrrum komu
að frjálsri Íslandsströnd.
Þeir héðan sigldu um höfin djúp
og herjuðu ókunn lönd.
En síðan margir sægarpar
siglt hafa landi frá.
Bátar þeirra borist hafa
bylgjum sjávar á.

Á sjó þeir sóttu fyrr
og sigldu um höfin blá.
Þeir eru fræknir fiskimenn
og fást um úfinn sjá.
Milli hafna um heiminn
þeir halda sína leið.
Á sjó – þeir sækja enn
og sigla um höfin breið.

Þeir staðið hafa í stormi
og stórsjó dag og nótt,
móti bylgjum frosts og fanna
fast þeir hafa sótt.
Er skipið öslar öldurnar,
þá ólgar þeirra blóð.
Þeir eru sannir sjómenn
til sóma okkar þjóð.

Á sjó þeir sóttu fyrr
og sigldu um höfin blá.
Þeir eru fræknir fiskimenn
og fást um úfinn sjá.
Milli hafna um heiminn
þeir halda sína leið.
Á sjó – þeir sækja enn
og sigla um höfin breið.

Þeir sífellt fara um sjávarleið
og sigla varning heim.
Fiskinn góða þeir færa á land,
við fögnum öllum þeim.
Þeir lifa djarft á landi og sjó,
í leik og hverri þraut.
Þeir eru hafsins hetjur,
þeim heiður falli’ í skaut.

Á sjó þeir sóttu fyrr
og sigldu um höfin blá.
Þeir eru fræknir fiskimenn
og fást um úfinn sjá.
Milli hafna um heiminn
þeir halda sína leið.
Á sjó – þeir sækja enn
og sigla um höfin breið.

[m.a. á plötunni Svona er sumarið 1965 – ýmsir]