Bláu augun þín

Bláu augun þín
(Lag / texti: Gunnar Þórðarson / Ólafur Gaukur Þórhallsson)

Bláu augun þín
blika djúp og skær,
lýsa leiðina mína
líkt og stjörnur tvær.

Þó að liggi leið
mín um langan veg,
aldrei augnanna þinna
eldi gleymi ég.

Þau minna á fjallavötnin fagurblá,
fegurð þá
einn ég á.

Bláu augun þín
blika djúp og skær,
lýsa leiðina mína
líkt og stjörnur tvær.

[m.a. á plötunni Hljómar – Íslensku bítlarnir Hljómar frá Keflavík]