Eins og fuglinn frjáls

Eins og fuglinn frjáls
(Lag / texti: erlent lag (Lille sommerfugl) /  Loftur Guðmundsson)

Fríða litla, Fríða,
fimmtán vetra mær.
Iða af æskufjöri
augun blíð og skær.
Áhyggjur og amstur
óðar burtu hlær,
Fríða litla, Fríða,
fimmtán vetra mær.

Eins og fuglinn frjáls,
eins og fuglinn frjáls,
fljúgðu hátt hvar sem von þér velur stig.
Eins og fuglinn frjáls,
eins og fuglinn frjáls,
litla Fríða – ég öfunda þig.

Fríða litla, Fríða,
fimmtán vetra mær.
Því slær dagsins draumur
dul á augun skær.
Því er hlátur hljóður?
Hugur löngum fjær?
Fékkstu litla Fríða,
fyrstan koss í gær?

Eins og fuglinn frjáls,
eins og fuglinn frjáls,
fljúgðu hátt hvar sem von þér vegi fann.
Eins og fuglinn frjáls,
eins og fuglinn frjáls,
litla Fríða – ég öfunda hann.

[óútgefið]