Nei smáfríð er hún ekki

Nei smáfríð er hún ekki
Lag [1] – Lag [2] / texti: erlent lag – Gunnar Thoroddsen / Hannes Hafstein)

Nei, smáfríð er hún ekki
og engin skýjadís,
en enga ég samt þekki
sem ég mér heldur kýs.

Þótt hún sé holdug nokkuð,
er höndin ofursmá.
Hún er svo íturlokkuð
með æskuslétta brá.

Við eldblik augna kátra
skín andlit glatt og ljóst.
Við hljóðfall léttra hlátra
sem hrannir lyftast brjóst.

Hún er svo frjáls og ítur,
svo æskusterk og hraust,
að hver sem hana lítur
til hennar festir traust.

Og ef ég er með henni,
ég eld í hjarta finn.
Það er sem blóðið brenni
og bálist hugur minn.

[tvö lög eru til við þennan texta]

[m.a. á plötunni Tónlist Gunnars Thoroddsen – ýmsir]