Vetur (Hvar eru fuglar?)

Vetur (Hvar eru fuglar?)
(Lag / texti: Sveinbjörn Sveinbjörnsson / Steingrímur Thorsteinsson)

Hvar eru fuglar þeir á sumri sungu?
Þeir suður flugu brimótt yfir höf.
Hvar eru blómin sæl frá sumri ungu?
Und snjónum hvíla þau í vetrargröf.

Hvað er nú söngva? Vindgnýr hærri og hærri
um hvítnað land en þung með drunuhljóð,
þar þögull sjófugl þyrpist brimströnd nærri,
hinn þrúðgi gýmir kveður stirðan óð.

Hvar er nú blóma? Helblóm hörku viður,
sem hrímhvít skarta frosnum rúðum á,
og geislablóm sem glitrar máni niður
á glerskyggð blásvell vetrarheiði frá.

Nei, sönglíf, blómlíf, finnst nú aðeins inni,
þar andinn góður býr sér sumar til
með söng og sögu, kærleik, vinna kynna,
á kuldatíð við arinblossans yl.

Svo dvelji söngfugl hver einn fyrir handan,
og hylji fönnin blómið hvert sem dó.
Vér eigum sumar innra fyrir andann
þá ytra herðir frost og kyngir snjó.

[m.a. á plötunni Pétur Jónsson – Pétur Jónsson 1884-1856]