Far (1995)

Far mun ekki hafa verið starfandi hljómsveit heldur var um að ræða danssveitina Fantasíu í dulargervi með nýrri söngkonu, eitt lag kom út með henni á safnplötunni Reif í skóinn árið 1995.

Á þeirri safnplötu voru meðlimir þessarar sveitar hljómborðsleikararnir og forritararnir Jón Andri Sigurðarson og Trausti Heiðar Haraldsson (sem gengu undir nafninu Digit), og Tómas Gunnarsson gítarleikari en þeir skipuðu um það leyti hljómsveitina Fantasíu ásamt Selmu Björnsdóttur, söngkona Far var hins vegar Esther Talia Casey.