Bjór

Bjór
(Lag / texti: Bragi Valdimar Skúlason / Káinn (Kristján Níels Júlíus Jónsson))

Þú móðurtungan mæra,
sem mér er hjartakær!
Eg man bað máske betur
en margt, sem skeði’ í gær,
hið fyrsta af öllum orðum,
er orð eg mynda fór,
var orð, sem aldrei gleymi, —
en orðið það var: Bjór.

Svo flúði’ eg feðra grundu,
mér fannst þar allt of þurt;
að leita fjár og frama,
eg fullur sigldi burt.
Af hafi hingað komnum,
mér heimur birtist nýr,
þá lærði’ eg orð í ensku,
en orðið það var: „Beer“.

Og fyrr en fjandann varir,
ef fullur sting eg af,
og dreg á kalda djúpið,
í dauðans kyrrahaf.
Og hvað, sem helzt að drekka
í heljarsölum finn,
er bjórkút bezt að grafa
á bautasteininn minn.

[af plötunni Baggalútur – Kveðju skilað]