Einmana á jólanótt

Einmana á jólanótt
(Lag / texti: erlent lag /  Jón Sigurðsson)

Ég horfi á snjókornin,
þau falla á gluggann minn.
Ég óska mér oft  að vera eitt af þeim.
Og fljúga‘ í fjarlæg lönd, að finna aftur það sem
ég átti eitt sinn er ég var lítið barn.
Þennan hvíta jólafrið,
ég er ein og allir fara framhjá mér.
Öllum sama er – halda sína leið
og eftir er ég hér,
einmana á jólanótt.

Ég heyri klukknahljóm
og glaðar raddir syngja,
því gleðileg jól nú gerast heims um ból.
Ég hélt þú biðir mín, við ættum jólin ein.
Þú fannst þér aðra mey það eina sem ég sé
er bara lítið jólatré,
einmana og yfirgefið eins og ég.
Öllum sama er
halda sína leið og eftir er ég hér,
einmana á jólanótt.

Allt er nú umvafið ást,
ég vildi vera ein með þér.
Hvers vegna fórst þú frá mér?
Lítið jólatré, einmana og yfirgefið
eins og ég.
Öllum sama er – halda sína leið
og eftir er ég hér,
einmana á jólanótt.

[m.a. á plötunni Brooklyn fæv – Góð jól]