Rauðar rósir fölna

Rauðar rósir fölna
(Lag / texti: Bríet Ísis Elfar)

Keyrðum af stað, ungt ástfangið par
með draum og ævintýraþrá.
Þú mér við hlið, var allt sem ég þurfti.
Til að líta upp og gleyma mér í smá.
Eg fór aðra leið og nú rata ég ekki aftur heim í hús.
en útsýnið dregur mig lengra út,
ég veit ekki hvort ég sé týnd eða á réttum stað.

Af því að þú varst alltaf miðpunkturinn,
sá sem ég horfði til í myrkri, þú varst ljósið sem ég þurfti
því að þú varst allur alheimurinn
en jafnvel rauðar rósir fölna
eins og bjartir dagar kvölda, blómið mitt.

Hvað varð um drauminn, að sigra heiminn,
við tvö á móti straumnum?
Hvarfaði að þér að berjast fyrir mér
eða var auðveldara að labba bara í burt?
Kannski var það ég sem fann eitthvað að öllu og leitaði að
ástæðum til þess að brenna allt.
Ég vissi ekki hvort ég var týnd eða á réttum stað.

Af því að þú varst alltaf miðpunkturinn,
sá sem ég horfði til í myrkri, þú varst ljósið sem ég þurfti
því að þú varst allur alheimurinn
en jafnvel rauðar rósir fölna
eins og bjartir dagar kvölda, blómið mitt.

[af plötunni Bríet – Kveðja, Bríet]