Endanleg lausn tilvistarvandamálsins

Endanleg lausn tilvistarvandamálsins
(Lag og texti: Sverrir Stormsker)

Ef mannkynið það gefur þér sem manni ekkert stig
og meiraðsegja hundurinn þinn fyrirlítur þig,
og hvar sem birtist þú
þá hverfa allir burt,
hvað klukkan er þú getur aldrei spurt.

Og ef þú púlar, stritar, þrælar eins og jarðýta
en átt samt varla fyrir fargjaldinu í vinnuna,
og öll sund eru lokið,
en inn við sundin blá
truntusólin setjast mun þér hjá.

Þá á ég ráð sem ætíð dugar vel,
hef eina lausn ef allt er svart;
Þú skýtur þig, þú skýtur þig í mél,
og þá er framtíðin að baki og allt er bjart.

Ef þú ert ung, en spikfeit eins og sparigrísafrú
og spegillinn hann segir þér að nornin sé fallegri‘ en þú,
og engar dyr þér standa
opnar boltinn minn
vegna þess að þú kemst ekki inn,

Þá á ég ráð sem ætti að duga vel;
þú færð þér hníf einn flugbeittan.
Sem kebab skalt þú skralla þig í smátt
og þannig losa þig og aðra við óþverrann.

Og ef að þú ert frelsaður og hjalar við herra guð,
ef heilastarfsemin er fullkomlega misheppnuð,
já ef þú þráir  himna-
ríkisráðherrann,
þá ráðlegg ég þér að fara og hitta hann.

Ég veit um leið sem liggur beint til hans:
Þú hrifsar sverð og heggur á æð
og keyrir það í kaf í hjarta þér
og kastar þér svo fyrir trukk af efstu hæði.

Ég á eitt ráð sem öllum dugar vel,
hef eina lausn ef allt er svart:
Þú skýtur þig, þú skýtur þig í mél
og þá er framtíðin að baki og allt er bjart.

[af plötunni Sverrir Stormsker – Stormskers guðspjöll]