Náttsöngur

Náttsöngur
(Lag og texti: Ólöf Arnalds)

Kvöldið leið og svo varð nótt,
vakti þér yfir, svafstu rótt.
Kyrrði huga minn,
stöðugur andardráttur þinn.
Taldi nýja daginn inn.

Hvert sem fer
fylgirðu ennþá mér.
Hugur minn er með þér,
með þér.
Allt gengur
bara vel,
dagana ekki tel,
tónunum lífið fel
svo vel þeir sefa.

Svíf ég oft í draumi hátt,
hitti þig fyrir, segi fátt,
orð eru óþörf þar.
Gleði og fagurt skýjafar,
umvefjandi ljósgeislar.

Hvert sem fer
fylgirðu ennþá mér.
Hugur minn er með þér,
með þér.
Allt gengur
bara vel,
dagana ekki tel,
tónunum lífið fel
svo vel þeir sefa.

[af plötunni Ólöf Arnalds – Við og við]