Segulstöðvablús

Segulstöðvarblús
(Lag / texti: Bubbi Morthens / Þórarinn Eldjárn)

Sit hér á seglinum, ungbarn, sötrandi minn djús.
Sit hér á seglinum, ungbarn, sötrandi minn djús.
Ég sit hér og söngla segulstöðvarblús.

Á segulinn segulmagnaða.
Á segulinn segulmagnaða
leita úr lofti leikföng stórvelda.

Til hvers þá segullinn sé hér?
Veit sá er ekki spyr,
til hvers segullinn sé hér
veit sá er ekki spyr.
Til að vinir mínir í vestrinu
viti um dauðann fyrr.

Og þegar logarnir ljósu
leika um mitt hús,
og þegar logarnir ljósu
leika um mitt hús
skal ég sitja og söngla
segulstöðvar-blús.

[m.a. á plötunni Bubbi Morthens – Plágan]