Stund milli stríða

Stund milli stríða
(Lag / texti: Eyjólfur Kristjánsson / Jón úr Vör)

Það ár, sem ég fæddist var friður saminn,
er fávísir menn settu grið.
En áfram var haldið og barist og barist
og búið við vopnaðan frið.

Og vestur á fjörðum var friðnum slitið
og fátækir daglaunamenn
börðust þar fyrir betri heimi
og berjast þar sumir enn.

Mín ævi er aðeins stund milli stríða.
Nú stríða þeir enn. Ég bíð
og trúi á heiminn og fegurð og frelsi
og friðinn – og þetta stríð.

[m.a. á plötunni Eyjólfur Kristjánsson – MM]