Takið eftir
(Lag og texti: Aðalsteinn Ásberg Sigurðsson)

Takið eftir!
Tíminn líður.
Takið vel eftir!

Yður er í dag
öxluð þyngri byrði,
en áður var
á herðar heimsins lögð.

Yður er í dag
fengin sú vitneskja
að veislan hljóti
senn að taka enda.

Almættið bíður
þess átaks,
sem þarf til
að stilla hóf.

Í dag verður innreið
hins óvissa tíma
mæld og yður
sett til höfuðlausnar.

Takið eftir!
Þér lítilmagnar
og lénsherrar!
Yður er í dag
ætluð sama jörð,
einn og sami skikinn
til ábúar.

[af plötunni Hálft í hvoru – Almannarómur]