Þú bíður (allavegana) eftir mér

Þú bíður (allavegana) eftir mér
(Lag og texti: Megas)

Ég hef farið víða, ég hef verið hér og þar
og ég veit að við þessum spurningum er til eitt og annað loðið svar.
Og ég hef verið fyrir austan þar sem fjöllin sökkva sjálfsagt enn,
í sjóinn ég þambaði pilla einmit þar sem fjallaskáldið skálaði í denn.

Heilsaðu öllum heima,
þeim sem heldurðu að vilji muna eftir mér,
barnatrúnni er ég vísast búinn að gleyma
en það bíður jú hver loks eftir sjálfum sér.

Ég kom í Hallormsstað þar sem angan engu líka,
ég ætlaði mér að þefa uppi en fann þar ekki nokkra slíka,
einungis þýskar kengúrur – kynjadýr,
já og kjarr, tuttugu metra hátt, dreifbýlissjoppu og gaddavír.

Heilsaðu sérhverjum heima
sem þú heldur að vilji gangast við mér,
barnatrúnni er ég víst búinn að gleyma
en það bíður jú allra að þurfa að staldra við eftir sjálfum sér.

Og nú er ég hérna á mölinni í mestri nánd og firð,
jú mér miðar sjálfsagt eitthvað og ég skal svara þér ef þú spyrð.
Og þegar svo allir eru komnir undir sæng og biðja þar bænirnar sínar,
þá bíð ég hér í myrkrinu eftir að heyra þínar.

Heilsaður öllum heim
sem þú heldur að gangist við mér,
barnatrúnni er ég fyrir löngu búinn að gleyma
en það bíður jú hver loks eftir sjálfum sér.

Heilsaðu hverjum þeim heima
sem þar harkar aleinn af sér,
barnatrúnni er ég að mestu búinn að gleyma
en þú bíður jú allavegana eftir mér.

[m.a. á plötunni Megas – Í góðri trú]