Vögguvísa róttækrar móður

Vögguvísa róttækrar móður
(Lag og texti: Böðvar Guðmundsson)

Enn syng ég gamalt stef við þinn sængurstokk í kvöld
er sólin rennur langt að fjallabaki
um þá serm sitja sléttir og slóttugir við völd
og sleppa aldrei neinu fantataki.

Morðingjar heimsins og myrkraverkaher
munu reyna að draga úr þér kjarkinn
en gleymdu því samt aldrei að meira en maklegt
er að á mörgum þeirra höggvist sundur barkinn.

Þeir eiga glæstar hallir, þeir eiga lúxusbíl,
þeir eiga meir en nóg til hnífs og skeiðar,
þeir kæfa okkur í táragasi og kalla okkur skríl,
þeir koma okkur vandræðum til leiðar.

Morðingjar heimsins og myrkraverkaher
munu eflaust pína þig til dauða
en gleymdu því samt aldrei að meira en maklegt er
að úr mörgum þeirra vætli blóðið rauða.

Svo segi ég að lokum fyrst sólin hnigin er
og svefnsins engil strýkur þér um hvarma
að margan góðan drenginn þeir myrtu þar og hér
og margur hlaut að dylja sína harma.

Morðingjar heimsins og myrkraverkaher
myrða okkur líka einhvern veginn
en gleymdu því samt aldrei að meira en maklegt er
að af mörgum þeirra væri skjátan flegin.

[á plötunni Heimavarnarliðið – Hvað tefur þig bróðir?]