Félag harmonikuunnenda í Reykjavík – Líf og fjör með harmonikuunnendum Útgefandi: Félag harmonikuunnenda Útgáfunúmer: FHU-001 Ár: 1980 1. Harmonikuhljómsveit F.H.U. – Fram og til baka 2. Eyþór Guðmundsson og Gunnar Guðmundsson – Bensínstíflan 3. Ágúst Pétursson – Harmonikkumarsinn 4. Guðni Friðriksson og Karl Jónatansson – Vinarkveðja 5. Harmonikuhljómsveit F.H.U. – Kaktuspolki 6. Eiríkur Ásgeirsson –…
Hljómsveitin Fiction starfaði á ballmarkaðnum veturinn 1985 til 86 og svo aftur sumarið 1987 og lék þá víða um land. Meðlimir sveitarinnar voru þau Bjarni Sveinbjörnsson bassaleikari, Friðrik Karlsson gítarleikari, Gunnlaugur Briem trommuleikari, Edda Borg hljómborðsleikari og Sigurður Dagbjartsson söngvari og gítarleikari.
Á árunum 1986 til 88 að minnsta kosti starfaði hljómsveit á Norðfirði undir nafninu Fiff, þessi sveit var sett á laggirnar þegar Súellen lagðist í dvala um tíma en meðlimir hennar komu að mestu úr þeirri sveit Meðlimir Fiff voru Guðmundur R. Gíslason söngvari, Kristófer Máni Hraundal gítarleikari, Jóhann Geir Árnason trommuleikari og Steinar Gunnarsson…
Mögulegt að hljómsveit hafi starfað á höfuðborgarsvæðinu um miðjan tíunda áratuginn undir nafninu Fiff. Ingi Björn [?] mun hafa verið einn meðlima hennar en óskað er eftir frekari upplýsingum um þessa sveit.
Lítið af upplýsingum liggur fyrir um hljómsveitina Fimmuna sem gæti hafa verið starfrækt á Austurlandi, sveitin lék að minnsta kosti á dansleik á Hótel Egilsbúð á Norðfirði 1992. Upplýsingar um þessa sveit, meðlima- og hljóðfæraskipan auk annars er varðar sögu hennar, má senda Glatkistunni.
Um nokkurra áratuga skeið frá því um miðja síðustu öld og fram til 1980 var hérlendis starfandi félag undir heitinu Félag íslenskra einsöngvara (F.Í.E.) en gekk einnig undir nafninu Einsöngvarafélag Íslands eða Einsöngvarafélagið. Félagið var stofnað vorið 1954 og hafði m.a. þann tilgang að efla einsöngstónlist á Íslandi en var jafnframt hagsmunafélag fyrir þessa stétt…
Akureyska hljómsveitin Félagar tók til starfa haustið 1994 undir því nafni en sveitin hafði áður gengið undir nafninu Dansfélagar. Meðlimir voru þeir Birgir Arason [?], Jón Berg [?], Brynleifur Hallsson gítarleikari [?] og Grímur Sigurðsson bassaleikari en þegar sá síðast taldi kom inn í sveitina tóku þeir upp nýja nafnið. Félagar léku á dansleikjum nyrðra,…
Harmonikkukvintettinn Fimmkallarnir störfuðu innan Tónlistarskólans í Skagafirði á árunum 1999 til 2001, jafnvel lengur, kvintettinn var skipaður ungum drengjum sem voru frá Hofsósi og nágrenni. Fyrst kveður að Fimmköllunum á fjölskyldumóti Félags harmonikkuunnenda í Skagafirði sumarið 1999 og voru meðlimir sveitarinnar þá Brynjar Helgi Magnússon, Júlíus Helgi Bjarnason, Friðrik Pálmi Pálmason, Þorvaldur Ingi Guðjónsson og…
Óskað er eftir upplýsingum um hljómsveit sem starfaði í skamman tíma vorið 1961 undir nafninu Fider sextett. Að öllum líkindum kom sveitin aðeins tvívegis fram opinberlega og söng Jón Stefánsson með henni, engar upplýsingar finnast hins vegar um meðlimi sextettsins. Ekki er ólíklegt að Fider sextettinn sé náskyldur FÍS-kvintettnum sem birtist í beinu framhaldi og…
Hljómplötuútgáfan Fálkinn á sér langa og merka sögu í íslenskri tónlist og hefur gefið út flesta plötutitla allra útgáfufyrirtækja á Íslandi. Fyrirtækið er enn starfandi þótt hljómplötuútgáfa hafi verið fyrir löngu síðan verið lögð af hjá því. Það var trésmiðurinn Ólafur Magnússon sem stofnaði fyrirtækið árið 1904 en hann hóf þá reiðhjólaviðgerðir gegn greiðslu á…
Keflvíska hljómsveitin Fálkar starfaði um nokkurra ára skeið í kringum aldamótin, þó með hléum því tveir meðlimir hennar dvöldust um tíma erlendis í námi. Sveitin sendi frá sér tvær plötur og meðlimir hennar áttu síðar eftir að starfa í fremstu röð tónlistarmanna hér á landi. Fálkar (einnig kölluð Fálkar frá Keflavík) var stofnuð árið 1997…
Fálkar – [ep] Útgefandi: [án útgefanda] Útgáfunúmer: [án útgáfunúmers] Ár: 2000 [engar upplýsingar um efni] Flytjendur: [engar upplýsingar um flytjendur] Fálkar – Ástarkveðja frá Keflavík Útgefandi: Geimsteinn Útgáfunúmer: GSCD 188 Ár: 2000 1. Intró 2. Ástarkveðja frá Keflavík 3. Aldeilis fín ábreiða 4. Mættu með perkið 5. Það eins gott að það sé í kvöld…
Pöbbabandið Fálkar starfaði í nokkra mánuði árið 2001 og spilaði eitthvað á öldurhúsum höfuðborgarsvæðisins. Bandið, sem að öllum líkindum var dúett, var skipað þeim Antoni Kröyer hljómborðsleikara og Jóhanni Guðmundssyni gítarleikara [?].
Reykvíska hljómsveitin Feedback var meðal sveita sem kepptu í Músíktilraunum Tónabæjar og Hins hússins vorið 2004. Meðlimir Feedback voru þeir Björn Þór Gunnarsson trommleikari, Valdimar Bergsson bassaleikari, Steinþór Guðjónsson gítarleikari og Allan Sigurðsson söngvari og gítarleikari. Sveitin komst ekki í úrslit keppninnar en Steinþór var síðan kjörinn besti gítarleikari Músíktilraunanna. Sveitin starfaði ekki lengi eftir…
Árið 1980 var stofnað innan SATT (Samtaka alþýðutónskálda og tónlistarmanna) höfundarfélag sem ætlað var að vinna fyrir þau tónskáld sem sömdu léttari tónlist (popp, rokk o.s.frv.) og berjast fyrir hærra hlutfalli STEF-gjalda en tónskáld „æðri tónlistar“ eins og það var oft kallað báru þá hlutfallslega miklu meira úr býtum. Félagið hlaut nafnið Félag alþýðutónskálda (skammstafað…
Hljómsveitin Ferning virðist hafa verið skammlíf sveit en hún var auglýst í Sigtúni haustið 1966. Engar frekari upplýsingar er að finna um þessa sveit og er því hér með óskað eftir þeim.
Félagsheimilið Festi í Grindavík er líklega eitt sögufrægasta samkomuhús Íslandssögunnar en þar voru haldin hundruð ef ekki þúsundir sveitaballa og annarra dansleikja, einkum á áttunda og framan af níunda áratug síðustu aldar. Hafist var við að byggja húsið sumarið 1968 en þá hafði Kvenfélagshúsið svokallaða (einnig kallað Kvennó) verið aðal samkomuhús Grindvíkinga frá árinu 1930,…
Haustið 1973 var stofnaður félagsskapur í Reykjavík undir yfirskriftinni Félag áhugamanna um klassíska gítartónlist (FÁKG / F.Á.K.G.) en stofnmeðlimir sem voru á bilinu tuttugu til þrjátíu, voru flestir af fyrstu og annarri kynslóð slíkra gítarleikara hérlendis. Formaður FÁKG var Kjartan Eggertsson og Jón Ívarsson ritari en þeir tveir voru hvað virkastir í starfsemi félagsins, annað…
Á árunum 1936-48 starfaði félagsskapur á höfuðborgarsvæðinu undir heitinu Félag harmonikuleikara í Reykjavík, auk þess að vera hagsmunasamtök harmonikkuleikara stóð félagið fyrir dansleikjum og tónleikum. Félag harmonikuleikara í Reykjavík var stofnað haustið 1936 og voru stofnmeðlimir níu talsins. Fyrstu stjórnina skipuðu þeir Hafsteinn Ólafsson formaður, Guðmundur Bjarnleifsson ritari, Magnús Helgason gjaldkeri og Jón Ólafsson varaformaður.…
Félag harmonikuunnenda á Suðurnesjum er félagsskapur sem hefur verið starfræktur síðan 1990 en heimavöllur starfseminnar er í Keflavík. Félagið var stofnað í ársbyrjun 1990 en þá hafði lengi staðið til að stofna slíkan félasskap. Á fimmta tug stofnmeðlima komu að félaginu í upphafi en meðlimafjöldi þess hefur verið rokkandi í gegnum tíðina. Ásgeir Gunnarsson var…
Félag harmonikuunnenda á Suðurnesjum – Harmonikan hljómi Útgefandi: Félag harmonikuunnenda á Suðurnesjum Útgáfunúmer: FHUS 0801 Ár: 2008 1. Landsmótslag 2008 2. Á vorléttum vængjum 3. Brimlending í Grindavík 4. Kvöldsigling um Fáskrúðsfjörð 5. Sail along silfery moon 6. Litli valsinn 7. Bettína 8. Everybody love some lover 9. Aquarela do Brazil 10. Smalastrákurinn 11. Hugsað…
Félag áhugafólks um harmonikkuleik hefur verið starfandi í Húnavatnssýslum um árabil, fyrst undir nafninu Harmonikufélagið Blönduósi en síðan Félag harmonikuunnenda í Húnavatnssýslum frá árinu 1991. Félagið var stofnað vorið 1981 á Hótel Blönduósi og var Þórir Jóhannsson kjörinn fyrsti formaður þess, hann gegndi embættinu um árabil en Svavar Jónsson tók við af honum í stuttan…
Félag harmonikuunnenda Siglufirði starfaði á annan áratug við lok síðustu aldar og byrjun þeirrar nýju. Félagið var stofnað árið 1993 en lítið liggur fyrir um félagið framan af, frá árinu 1996 og þar til félagið lognaðist útaf (líklega 2006) gegndi Ómar Hauksson formennsku í því en ekki er vitað hvort hann var formaður frá upphafi.…
Danssveitin Fantasía (Fantasia) starfaði um tveggja ára skeið í kringum miðjan tíunda áratug síðustu aldar, átti nokkur lög á safnplötum en náði aldrei að stíga skrefið til fullnustu hvað vinsældir snertir þrátt fyrir tilraunir til að meika það erlendis. Það var þeir félagar og Akureyringar, Jón Andri Sigurðarson og Trausti Heiðar Haraldsson sem stofnuðu Fantasíu…
Hljómsveitin Farísearnir starfaði í fáeina mánuði haustið 1996 en um það leyti sendi sveitin frá sér tólf laga plötu. Þeir Davíð Þór Jónsson sem þá var þekktur skemmtikraftur og annar Radíus-bræðra, og Einar S. Guðmundsson stofnuðu Faríseanna á haustmánuðum 1996 til að koma eigin laga- og textasmíðum á framfæri. Þeir fengu til liðs við sig…
Hljómplötuútgáfan Fermata starfaði í rúmlega aldarfjórðung en var um leið hljóðvinnslufyrirtæki sem líklega er enn starfandi, það kom að upptökum á tugum platna og viðburða en útgefnir titlar undir merkjum þess voru um þrjátíu talsins. Það var Halldór Víkingsson sem starfrækti fyrirtækið sem sérhæfði sig einkum í klassískri tónlist, fyrsta útgáfa þess var kassetta með…
Hljómsveit að nafni Fermata starfaði um og upp úr 1980 og var að líkindum djasstengd, alltént lék sveitin eitthvað opinberlega með slíkum sveitum. Meðlimir sveitarinnar voru þeir Einar Bragi Bragason saxófónleikari, Sigurður Jónsson saxófónleikari [?], Ari Einarsson gítarleikari [?], Birgir Baldursson trommuleikari og Hjörtur Howser hljómborðsleikari. Ekki mun hafa verið alveg föst skipan manna í…
Fantasia – Seven [ep] Útgefandi: ZYX-Music Útgáfunúmer: ZYK 7677-8 Ár: 1995 1. Seven (Radio edit) 2. Seven (X-tra club mix) 3. Seven (Limen mix) 4. Seven (Insanity mix) 5. Seven (Dig it mix) Flytjendur: Selma Björnsdóttir – söngur og raddir Trausti Haraldsson – hljómborð og forritun Jón Andri Sigurðarson – hljómborð og forritun Tómas Gunnarsson…
Óskað er eftir upplýsingum um hljómsveit frá Flateyri sem bar heitið Fastagestirnir, hverjir skipuðu hana, hvenær, hversu lengi og hver hljóðfæraskipanin var.
Farísearnir – Farísearnir Útgefandi: Davíð Þór Jónsson Útgáfunúmer: DÞJ 001 Ár: 1996 1. Krakki eins og þú 2. Friður sé með yður 3. Menn eru menn 4. Undir seglum þöndum 5. Innri Jónas minn 6. Alsæla 7. Íris í annarri vídd 8. Hvernig ég er 9. Íslands þúsund ár 10. Dýrð sólarlagsins 11. Kyrie 12.…
Hljómsveitin Felan starfaði innan veggja Menntaskólans við Sund árið 1984 en þá lék sveitin á maraþontónleikum á Þorravöku skólans í febrúar og setti þar Íslandsmet, spilaði í rúmlega þrjátíu klukkustundir. Ekki liggur hvort sveitin var stofnuð sérstaklega fyrir þennan atburð eða hvort hún hafði þá starfað í einhvern tíma. Meðlimir sveitarinnar voru þeir Alfreð Alfreðsson…
Ekki liggja fyrir miklar upplýsingar um hljómsveit sem gekk undir nafninu Felix og starfaði í Vestmannaeyjum á árunum 1980 til 83 að minnsta kosti. Árið 1980 voru þeir Óskar Guðjón Kjartansson gítarleikari, Örn Hafsteinsson bassaleikari, Gunnar Júlíusson söngvari, Eðvald Eyjólfsson trommuleikari meðlimir Felix en óskað er eftir frekari upplýsingum um þessa sveit til að fylla…
Fellibylurinn Þórarinn var hljómsveit tónlistarmanna á unglingsaldri og var í raun ein þeirra sveita sem síðar varð að Þey. Ekki liggur alveg ljóst hvenær Fellibylurinn Þórarinn var stofnaður en það gæti hafa verið árið 1975, hér er þó miðað við ári síðar en þá kom sveitin fram á tónleikum innan Menntaskólans við Tjörnina (síðar Menntaskólans…
Hljómsveitin Fellows virðist hafa verið fremur skammlíf sveit, starfandi veturinn 1967-68. Sveitin lék á einhverjum dansleikjum á suðvesturhorni landsins og hér er reiknað með að þetta hafi verið bítlasveit, engar upplýsingar er hins vegar að finna um meðlimi hennar eða hljóðfæraskipan og er því leitast eftir þeim hjá lesendum Glatkistunnar.
Hljómsveitin Felus catus frá Keflavík var meðal sveita sem áttu efni á safnplötunni Innrás: Kornflex og Kanaúlpur, sem Geimsteinn sendi frá sér haustið 1994. Í umfjöllun um safnplötuna er sveitin sögð vera rokktríó en á umslagi hennar eru fjórir meðlimir nafngreindir, þeir Magnús Einarsson bassaleikari, Kristinn E. Jóhannsson trommuleikari, Baldur Guðmundsson hljómborðsleikari og Þór Sigurðsson…
Hljómsveitin Fendrix var meðal keppenda í Músíktilraunum Tónabæjar og Hins hússins vorið 2003 en sveitin hafði að líkindum verið stofnuð haustið á undan í Setbergsskóla í Hafnarfirði. Meðlimir Fendrix voru þeir Sigurður Ragnar Haraldsson gítarleikari, Kristinn Þór Kristinsson bassaleikari, Páll Fannar Pálsson söngvari og gítarleikari, Brynjar Björn Ingvarsson gítarleikari og Friðrik Dór Jónsson trommuleikari. Fendrix…
Ferguson-tríóið starfaði í Skagafirðinum árið 1958 eða um það leyti. Tríóið, sem lék á dansleikjum í sveitinni var skipað þeim bræðrum Geirmundi og Gunnlaugi Valtýssyni sem léku líklega báðir á harmonikkur, og Jóni [?] sem hugsanlega var trommuleikari sveitarinnar. Hugsanlegt er að þessi sveit hafi síðar hlotið nafnið Rómó og Geiri. E.t.v. má segja að…
Ómar og Hemmi ásamt Hauki Heiðari, Villa Guðjóns og Pétri Kristjáns – Fjörkálfar á ferð um landið á ári fjölskyldunnar Útgefandi: Fjör Útgáfunúmer: Fjör 001 Ár: 1994 1. Allir í fjörið 2. Ég er trúbadúr 3. Einshljóðfærissinfóníuhljómsveitin 4. Minkurinn í hænsnakofanum 5. Litla lagið 6. Mér er skemmt Flytjendur: Ómar Ragnarsson – söngur og raddir Hermann Gunnarsson – söngur Haukur…
Hljómsveitin Fan Houtens kókó vakti nokkra ahygli á sínum tíma (snemma á níunda áratugnum) fyrir það sem skilgreint var sem elektrónísk nýbylgjutónlist en sveitin var nokkuð á skjön við pönksveitirnar og hefðbundnari nýbylgjusveitir sem þá voru mest áberandi í reykvísku tónlistarlífi. Fan Houtens kókó átti þó klárlega heima í hópi þeirra og reyndar var hún…
Fan Houtens kókó – Musique Elementaire Útgefandi: Isidor greifi / Sögumiðlun Útgáfunúmer: [án útgáfunúmers] Ár: 1981 / 2019 1. Musique elementaire 2. Matseðill Ísidórs greifa 3. Eru kattaskinn móðins 4. Undir lánsömu eyra 5. Grænfingraðir morgunhanar 6. Nornapicnic 7. Lífgeisladóp 8. Söngur fyrir Siouxsie 9. Allir vilja bebop Flytjendur: Matthías S. Magnússon – hljóðvervill og…
Hljómsveit skipuð ungum hljóðfæraleikurum starfaði í Kópavogi sumarið 1986 og gekk undir nafninu Feis. Þessi sveit lék á tónleikum tengdum bæjarhátíð í Kópavogi en engar frekari heimildir er að finna um hana og óskar Glatkistan þar með eftir frekari upplýsingum um nöfn og hljóðfæraskipan meðlima sveitarinnar.
Fanný Jónmundsdóttir (fædd 1945) er ekki tónlistarkona en hún hefur sent frá sér fjölda kassetta og geisladiska sem hafa að geyma slökunaræfingar og skylt efni undir tónlistarflutningi og sjávarniði. Fanný hefur starfað við ýmislegt á sínum starfsferli, sem fyrirsæta og fatahönnuður, við blaðamennsku, verslunarrekstur og verslun almennt en einnig sem verkefnisstjóri hjá Stjórnunarfélagi Íslands og…
Fanný Jónmundsdóttir – Hugarró, slökun og jákvæði fyrir svefninn með tónlist og sjávarniði [snælda] Útgefandi: Fanný Jónmundsdóttir Útgáfunúmer: [engar upplýsingar] Ár: 1993 [engar upplýsingar um efni] Flytjendur: Fanný Jónmundsdóttir – upplestur [engar upplýsingar um aðra flytjendur] Fanný Jónmundsdóttir – Slökun, jákvæði og sjálfstyrking fyrir daginn með tónlist og sjávarniði Útgefandi: Fanný Jónmundsdóttir Útgáfunúmer: [engar upplýsingar]…
Far mun ekki hafa verið starfandi hljómsveit heldur var um að ræða danssveitina Fantasíu í dulargervi með nýrri söngkonu, eitt lag kom út með henni á safnplötunni Reif í skóinn árið 1995. Á þeirri safnplötu voru meðlimir þessarar sveitar hljómborðsleikararnir og forritararnir Jón Andri Sigurðarson og Trausti Heiðar Haraldsson (sem gengu undir nafninu Digit), og…
Glatkistan óskar eftir upplýsingum um dúett sem gekk undir nafninu Far out en hann mun hafa komið fram í einungis eitt skipti. Jón Steinar Ragnarsson er í heimild sagður vera annar meðlima Far out og lék hann á munnhörpu, upplýsingar vantar hins vegar um hver skipaði dúettinn með honum sem og hvenær þeir félagar störfuðu.
FÁLM (Félag áhugafólks um leiklist og músík) var félagsskapur sem starfaði í um ár og hélt utan um skemmtisamkomur í Tónabæ. Það mun hafa verið Tónabær sem hafði forgöngu um að félagsskapurinn var stofnaður og hugsanlegt er að Pétur Maack hafi verið með fingurna í því. Það var svo um páskana 1973 sem hugmyndin var…
Hljómsveitin Fávitar í spennitreyju úr Rangárþingi (líklega Hvolsvelli) var meðal þátttakenda í Músíktilraunum Tónabæjar vorið 2003. Sveitina skipuðu þeir Árni Rúnarsson söngvari, Ómari Smári Jónsson gítarleikari og söngvari, Jón Óskar Björgvinsson bassaleikari og Andri Geir Jónsson trommuleikari. Fávitar í spennitreyju komust ekki áfram í úrslit keppninnar.
Hljómsveitin Farmerarnir var meðal keppenda í Músíktilraunum Tónabæjar vorið 1998. Meðlimir sveitarinnar voru þeir Guðmundur Steinn Gunnarsson gítarleikari, tölvumaður og söngvari, Örvar Davíð Þorvaldsson skífuþeytari og Guðmundur Logi Norðdahl gítarleikari og tölvumaður. Einn liðsmanna tríósins gekk úr skaptinu rétt fyrir keppnina eins og það var orðað í umfjöllun í blöðunum og því voru þeir bara…
Hljómsveitin Farvel trunta starfaði í Keflavík árið 1992, og hugsanlega lengur. Sveitin var nokkuð virk á ballsviðinu á heimavelli á Suðurnesjunum vorið 1992 en ekki liggur fyrir hvort hún hafði þá starfað um langan tíma, snemma það sumar hafði sveitin annað hvort tekið upp nýtt nafn eða hætt störfum. Fyrir liggur að Guðmundur [?] gítarleikari,…
Hljómsveit að nafni Fax lék á dansleik annan dag jóla 1990 á Siglufirði og draga má þá ályktun að sveitin sé þaðan. Glatkistan óskar eftir frekari upplýsingum um þessa sveit, hverjir skipuðu hana sem og hljóðfæraskipan og annað sem skiptir máli.
Glatkistan 