Fyrirtæki sem bar nafnið Umboðsþjónustan starfaði í fáeina mánuði veturinn 1985-86 og annaðist þá umboðsmennsku fyrir fjölda hljómsveita og tónlistarmenn s.s. Stuðmenn, Grafík, Herbert Guðmundsson, Magnús Þór Sigmundsson og Fiction auk annarra skemmtikrafta. Það voru þeir Sævar Pálsson og Halldór Sighvatsson sem voru eigendur og framkvæmdastjórar Umboðsþjónustunnar en þeir sáu einnig um að halda utan…
Árið 1991 var sett á laggirnar tónlistartengt verkefni undir yfirskriftinni Íslenskt tónlistarsumar í því skyni að efla veg íslenskrar tónlistar yfir sumartímann en þá hafði mest öll sala á tónlist til þess tíma mestmegnis farið fram í svokölluðu jólaplötuflóði í desember en lítið á öðrum árstímum. Átakið hófst formlega á þjóðhátíðardaginn 17. júní 2001 en…
Heimildir um kór starfandi innan Ungmennafélags Íslands eru af skornum skammti en hann virðist hafa verið starfandi á síðasta áratug tuttugustu aldarinnar – e.t.v. nær saga hans lengra í tíma. Fyrir liggur að kórinn, sem hér er nefndur UMFÍ kórinn, var starfandi í kringum 1990, og árið 1997 var stjórnandi hans Lisbeth Dahlin en aðrar…
Ummhmm – Haust Útgefandi: Nasa Útgáfunúmer: Nasa 001 Ár: 1998 1. Vináttubönd 2. Plastkortablús 3. Samband 4. Haustið 5. Brosið 6. Sunnudagspabbi 7. Mannkynið 8. Svik og plott 9. Skjárinn 10. Norðurljós Flytjendur: Jónas Björgvinsson – söngur, munnharpa, píanó og gítar Þórunn P. Jónsdóttir – söngur og raddir Júlíus Þórðarson – söngur og raddir Ragnar…
Underground family er eitt þeirra fjölmörgu verkefna sem Þórhallur Skúlason kom að í lok síðustu aldar en sveitin var hugarfóstur hans þar sem hann hafði sér til aðstoðar nokkra aðra tónlistarmenn. Underground family lék eins konar danstónlist en sveitin lét fyrst að sér kveða á safnplötunni Egg ´94 sumarið 1994 með tveimur lögum, annars vegar…
Íslensk tónverkamiðstöð hefur verið starfandi síðan 1968 en hún hefur margvíslegu hlutverki að gegna, hefur m.a. með útgáfustarfsemi að gera, kynningu og markaðssetningu með íslenska tónlist, varðveislu og dreifingu nótna og fleira. Íslensk tónverkamiðstöð (ÍTM / ITM) var stofnuð snemma árs 1968 að erlendri fyrirmynd en undirbúningur hafði þá staðið yfir um nokkurra ára skeið,…
Íslenski kammerkórinn virðist hafa verið eins konar systurkór Kammerkórs Reykjavíkur eða útibú hans, sem stofnaður var að öllum líkindum haustið 2012. Ekki liggja fyrir neinar ítarlegar upplýsingar um þennan kór utan þess að Sigurður Bragason stjórnandi Kammerkórs Reykjavíkur stjórnaði honum. Íslenski kammerkórinn starfaði í þrjú ár að minnsta kosti og söng einkum trúarlega tónlist, hann…
Frá árinu 1989 hefur verið starfræktur blandaður kór Íslendinga í Gautaborg í Svíþjóð undir nafninu Íslenski kórinn í Gautaborg. Nokkrar tilraunir höfðu verið gerðar til að starfrækja kór í Gautaborg áður en hjónin Kristinn Jóhannesson og finnsk eiginkona hans Tuula Jóhannesson komu til sögunnar árið 1989 en þau stjórnuðu kórnum allt til ársins 2008, Kristinn…
Íslenski kórinn í Gautaborg – Fyrsti Útgefandi: Íslenski kórinn í Gautaborg Útgáfunúmer: [án útgáfunúmers] Ár: 1996 [engar upplýsingar um efni] Flytjendur: Íslenski kórinn í Gautaborg – söngur undir stjórn Kristins Jóhannessonar [engar upplýsingar um aðra flytjendur] Íslenski kórinn í Gautaborg – Heima og að heiman Útgefandi: Íslenski kórinn í Gautaborg Útgáfunúmer: [án útgáfunúmers] Ár: 1998…
Upplýsingar óskast um kór Íslendinga sem var starfræktur á árunum 2010 til 16 að minnsta kosti, undir nafninu Íslenski kórinn í Hollandi en nokkrum árum fyrr hafði kór verið þar starfandi undir nafninu Íslendingakórinn í Hollandi. Fyrir liggur að Eyjólfur Eyjólfsson var stjórnandi þessa kórs á árunum 2013 til 16, e.t.v. lengur.
Á árunum í kringum heimsstyrjöldina síðari starfaði blandaður 30-40 manna kór meðal Íslendinga í Kaupmannahöfn undir stjórn Axels Arnfjörð, og gekk hann undir ýmsum nöfnum s.s. Söngfélag Íslendinga í Kaupmannahöfn og Íslendingakórinn í Kaupmannahöfn en þó oftast Íslenski kórinn í Kaupmannahöfn. Kórinn hafði verið stofnaður síðla árs 1942 en hann tók þó ekki til starfa…
Íslenski blásarakvintettinn starfaði um nokkurra ára skeið á árunum 1976 til 1988 og lék þá á nokkrum tónleikum, plata var alla tíð í farvatninu en kom þó aldrei út. Kvintettinn var stofnaður árið 1976 og framan af voru í honum Manuela Wiesler flautuleikari, Sigurður Ingvi Snorrason klarinettuleikari, Kristján Þ. Stephensen óbóleikari, Stefán Þ. Stephensen hornleikari…
Margt er óljóst um blandaðan kór sem var starfræktur meðal Íslendinga í Kaupmannahöfn á síðari hluta síðustu aldar og fram á þessa öld, undir nafninu Íslenski kórinn í Kaupmannahöfn. Kórinn virðist hafa starfað fyrst á árunum 1984-86, næst spyrst til hans árið 1994 og virðist þá hafa verið starfandi til 1997 að minnsta kosti og…
Kór Íslendinga búsettir í London hefur verið starfandi síðan 1984, líklega nokkuð samfleytt til dagsins í dag, undir nafninu Íslenski kórinn í London. Það mun hafa verið Inga Huld Markan sem var fyrsti stjórnandi kórsins en meðal annarra stjórnenda hans má nefna Nínu Margréti Grímsdóttur, Sigrúnu Jónsdóttur, Aagot Óskarsdóttur, Erlu Þórólfsdóttur, Gunnar Benediktsson, Arngeir Heiðar…
Upplýsingar óskast um hljómsveit sem var starfandi árið 1990 og gekk undir nafninu Íslensk eðalmenni. Þessi sveit lék meðal annars á menntaskóladansleik á Akureyri og gæti því hugsanlega hafa verið starfandi norðanlands.
Sumarið 1986 var Garðari Cortes óperustjóra Íslensku óperunnar boðið að koma með kór til að syngja á sumartónlistarhátíð í Kaupmannahöfn sem þá stóð fyrir dyrum. Það varð úr að hann setti saman þrettán manna blandaðan kór sem samanstóð af meðlimum úr Óperukórnum og nokkrum einsöngvurum, allt hámenntað tónlistarfólk, þeirra á meðal voru Viðar Gunnarsson, Ólöf…
Íslandslög er safnplötusería sem fyrir löngu hefur fest sig í sessi sem vinsæll kostur fyrir áhugafólk sem ann eldri íslenskri tónlist í flutningi vinsælla söngvara í léttum poppútsetningum. Söngvarar eins og Sigríður Beinteinsdóttir, Ragnar Bjarnason, Egill Ólafsson, Guðrún Gunnarsdóttir, Bergþór Pálsson, Sigrún Hjálmtýsdóttir (Diddú) og Björgvin Halldórsson (sem jafnframt hefur haldið utan um útgáfuna) hafa…
Íslandstóna-röðin getur strangt til tekið varla talist safnplötusería þar sem hinir sömu þrír sjá að mestu leyti um hljóðfæraleik á þremur plötum í seríunni sem komu út á árunum 1996 til 98. Það var Torfi Ólafsson sem var maðurinn á bak við Íslandstóna, gaf plöturnar út og samdi fjölmörg lög sem fóru á plöturnar þrjár,…
Blandaður kór var starfræktur innan Íslendingasamfélagsins í Álaborg í Danmörku um nokkurra ára skeið, að minnsta kosti á árunum 1986 til 2001 – þó ekki alveg samfleytt. Kórinn gekk undir nafninu Íslendingakórinn í Álaborg en hefur einnig verð nefndur Kór Íslendingafélagsins í Álaborg. Sigríður Eyþórsdóttir var stjórnandi kórsins árið 1986 en ekki er vitað hverjir…
Kór var starfandi meðal Íslendinga í Bergen (Björgvin) í Noregi árið 1999, undir nafninu Íslendingakórinn í Bergen. Kórinn var að öllum líkindum skammlífur og ekki finnast upplýsingar um hver stjórnaði honum, hversu marga meðlimi hann hafði eða hvort hann söng opinberlega. Nokkru síðar var stofnaður kór sem kallaður var Sönghópurinn Björgvin, í borginni.
Árið 1996 var stofnaður kór Íslendinga í Hollandi, sá kór var í einhverjum samstarfi við Íslendingafélagið þar í landi en var þó ekki beintengdur því félagi. Kórinn, sem gekk undir nafninu Íslendingakórinn í Hollandi starfaði árin 1996 og 97 undir stjórn Snorra [?] og árið 2001 var Rúnar Óskarsson stjórnandi kórsins, líklega æfði hann í…
Glatkistan óskar eftir upplýsingum um kór sem starfaði meðal innan Íslendingafélagsins í Lúxemborg undir nafninu Íslendingakórinn í Lúxemborg árin 1996 og 97 að minnsta kosti. Um var að ræða blandaðan kór sem innihélt þrjátíu og fimm manns en Ferenc Utassy var stjórnandi hans þessi tvö ár.
Glatkistan óskar eftir upplýsingum um Íslendingakórinn í Stafangri í Noregi en hann var þar starfandi árið 2001. Ekki liggur fyrir hversu lengi sá kór starfaði, hver stjórnaði honum eða hvort hann söng opinberlega.
Kór Íslendinga búsettir í Berlín í Þýskalandi var starfræktur árið 1993 og 94, hugsanlega var hann starfandi frá 1992. Stjórnandi kórsins, sem hét einfaldlega Íslendingakórinn í Berlín, var Júlíana Rún Indriðadóttir en frekari upplýsingar finnast ekki um þennan kór eða starfsemi hans.
Árið 1994 mun hafa verið starfandi kór undir nafninu Íslendingakórinn í Brussel, innan Íslendingasamfélagsins í Brussel í Belgíu. Engar upplýsingar aðrar en hér að ofan finnast um þennan kór og er því hér með óskað eftir þeim.
Kór sem bar nafnið Íslendingakórinn í Hamborg, starfaði þar í borg árið 1988 en var líklega skammlífur. Það var Hilmar Örn Agnarsson sem stjórnaði kórnum en hann var þá við nám í Þýskalandi. Glatkistan óskar eftir frekari upplýsingum um þennan kór.
Íslandstónar: Í útsetningum fyrir panflautu, flautu og gítar – ýmsir Útgefandi: Lag og ljóð Útgáfunúmer: L&L 002 Ár: 1996 1. Hvert örstutt spor 2. Systkinin 3. Í draumi sérhvers manns 4. Þú eina hjartans yndið mitt 5. Kvöldvísa 6. Apríl 7. Sofðu unga ástin mín 8. Til þín 9. Í musterinu 10. Ave Maria 11.…
Tónlistarmennirnir Magnús Þór Sigmundsson og Rafn Jónsson sendu sumarið 1994 frá sér safnplötu í tilefni hálfrar aldar afmælis lýðveldisins Íslands en platan bar heitið Íslandsklukkur. Á henni var að finna fjölda laga sem Íslendingar hafa tekið ástfóstri við í gegnum tíðina s.s. þjóðlög, rímur og dægurlög allt frá þrettándu öld til nútímans en einnig nýja…
Íslandsklukkur – ýmsir Útgefandi: MR music Útgáfunúmer: MR – 94 Ár: 1994 1. Íslandsklukkur 2. Bergþór Pálsson – Á Sprengisandi 3. Voces Thules – Dýravísur 4. Eggert Pálsson, Magnús Þór Sigmundsson og Kristjana Stefánsdóttir – Ólafur liljurós 5. Voces Thules – Ísland farsælda frón 6. Ragnar Davíðsson – Íslandsljóð 7. Voces Thules – Tröllaslagur 8.…
Hljómsveit sem bar nafnið Ég skaut frænda minn með tívolíbombu var að öllum líkindum skammlíf sveit, stofnuð sérstaklega fyrir tónlistarkeppnina Viðarstauk ´88, sem haldin hefur verið innan Menntaskólans á Akureyri. Af þessu má ætla að sveitin hafi verið starfandi innan skólans. Engar upplýsingar er að finna um þessa sveit og er því hér með óskað…
Óskað er eftir upplýsingum um hljómsveit sem starfaði um eða upp úr 1990, spilaði tónlist í þyngri kantinum og gekk undir nafninu Ézú (líklega ritað með þessum hætti).
Hljómsveit var starfrækt undir nafninu Færibandið á Norðfirði árið 2010. Glatkistan óskar eftir upplýsingum um þessa sveit, meðlima- og hljóðfæraskipan o.fl. sem að gagni kemur.
Fölu frumskógardrengirnir var tríó þriggja ásláttaleikara sem kom fram í fjölmörg skipti 1985 og 86, m.a. á afmælishátíð Þjóðviljans ásamt fjölda tónlistarmanna, menningarhátíðinni N‘ART ´86, útihátíð í Atlavík og víðar. Það voru þeir Sigtryggur Baldursson, Pétur Grétarsson og Abdou Dhour sem skipuðu Fölu frumskógardrengina.
Árið 2004 var hljómsveit starfandi innan Marels í Hafnarfirði undir nafninu Færibandið. Meðlimir sveitarinnar voru starfsmenn fyrirtækisins en upplýsingar vantar um þá sem og hljóðfæraskipan.
Hljómsveit var starfrækt undir nafninu Föss og mun hafa innihaldið m.a. þá Georg Hólm bassaleikara og Ágúst Ævar Gunnarsson trommuleikara sem síðar urðu meðlimir Sigur rósar sem var stofnuð 1994, hér er því giskað á að Föss hafi verið starfandi um 1993. Óskað er eftir nánari upplýsingum um starfstíma Föss, auk upplýsinga um aðra meðlimi…
Föroingabandið var sex manna hljómsveit sem starfaði innan Fjölbrautaskóla Suðurlands á Selfossi veturinn 1996-97. Meðlimir Föroingabandsins voru þeir Árni Þór Guðjónsson trommuleikari, Hreimur Örn Heimisson gítarleikari og Halldór Geir Jensson gítarleikari sem komu frá Hvolsvelli og Guðmundur Karl Sigurdórsson söngvari, Baldvin Árnason hljómborðsleikari og Leifur Viðarsson bassaleikari sem voru Selfyssingar. Þegar skólaárinu lauk og félagarnir…
Upplýsingar óskast um hljómsveit sem bar nafnið Írafár og starfaði í skamman tíma haustið 1998. Írafár, sem lagði einkum áherslu á írska þjóðlagatónlist mun hafa verið ósátt við aðra sveit með sama nafni sem hafði verið stofnuð fáeinum mánuðum fyrr en sú hljómsveit varð fljótlega eftir þetta mjög áberandi á ballmarkaðnum. Ekki liggur þó fyrir…
Félag íslenskra hljómlistarmanna (FÍH) starfrækti útgáfufyrirtækið Ísdiska í nokkur ár undir lok síðustu aldar og gaf út fáeina plötutitla undir þeim merkjum en Pétur Grétarsson var titlaður útgáfustjóri þar. Útgáfan starfaði frá árinu 1994 til 98, og gaf fyrst út nokkrar djasstengdar plötur undir útgáfuröðinni Jazzís, m.a. með Sigurði Flosasyni, Tómasi R. Einarssyni, Guðmundi Ingólfssyni…
Ískórinn svokallaði er kór sem starfræktur hefur verið um árabil í samfélagi Íslendinga í Osló í Noregi. Kórinn var stofnaður 1988 og gekk framan af undir nafninu Kór Íslendingafélagsins í Osló og síðar Kór Íslendinga í Osló en hin síðari ár hefur hann gengið undir Ískórs-nafninu. Svo virðist sem Ískórinn hafi ekki starfað alveg samfleytt…
Hljómsveitin Fullt hús gesta starfaði vorið 1987 og kom þá fram í sjónvarpsþættinum Rokkarnir geta ekki þagnað. Meðlimir sveitarinnar voru þeir Óli Jón Jónsson gítarleikari, Halldór Bachmann söngvari og hljómborðsleikari og Svanur Kristbergsson bassaleikari en enginn fastur trommuleikari lék með henni. Halldór Lárusson var hins vegar fenginn inn sem session-trommari fyrir sjónvarpsþáttinn. Ekki liggur fyrir…
Hljómsveitin Funkstrasse (einnig ritað Funkstraße / Fönkstrasse) lífgaði töluvert upp á músíklíf höfuðborgarsvæðisins á fyrri hluta tíunda áratugarins en sveitin var angi af rokksveitinni Ham, eins konar diskóarmur sveitarinnar ef svo mætti að orði komast. Sveitin var þannig náskyld Jazzhljómsveit Konráðs Bé sem hafði svipuðu hlutverki að gegna litlu fyrr en í þeim báðum gegndu…
Unglingahljómsveit undir nafninu The Fun kids starfaði vorið 1996 og lék þá á tónleikum í Hafnarfirði sem báru yfirskriftina Kaktus ´96. Glatkistan óskar eftir upplýsingum um þessa sveit, starfstíma hennar, meðlimi og hljóðfæraskipan en líklegt hlýtur að teljast að hún hafi verið hafnfirsk.
Hljómsveitin Funny bone var ein fjölmargra sveita sem komu fram á óháðu listahátíðinni Ólétt ´93 sem haldin var sumarið 1993. Upplýsingar um þessa sveit eru mjög af skornum skammti og því er óskað eftir þeim, hverjir skipuðu sveitina, hljóðfæraskipan o.s.frv.
Upplýsingar óskast um hljómsveit sem gæti hafa verið starfandi í kringum 1984, og bar nafnið Fuss. Ekkert annað liggur fyrir um þessa sveit, hvorki meðlimi hennar né hljóðfæraskipan.
Hljómsveitin Fussumsvei var meðal sveita sem keppti í Músíktilraunum Tónabæjar vorið 1998. Meðlimir sveitarinnar voru Kolbeinn Tumi Haraldsson söngvari, Helgi Þorgilsson gítarleikari, Sigurður Ó. L. Bragason trommuleikari og Garðar Guðjónsson bassaleikari. Sveitin sem lék kassagítarpopp komst ekki áfram í úrslit keppninnar og starfaði ekki lengi eftir Músíktilraunir. Hátt í aldarfjórðungur leið þar til Fussumsvei lét…
Hljómsveit sem bar heitið Future sound of Keflavík starfaði í Keflavík haustið 1999 og var þá skráð til leiks í hljómsveitakeppnina Rokkstokk 1999, sem haldin var þar í bæ. Sveitin var ekki meðal þeirra sem áttu lag á safnplötunni Rokkstokk 1999, sem gefin var út í kjölfar keppninnar en ekki liggur fyrir hvort ástæðan var…
Pöbbahljómsveit sem bar nafnið Fúsi og félagarnir var starfandi haustið 1992 en virðist ekki hafa verið langlíf. Meðal meðlima hennar voru Sigfús Óttarsson (Fúsi) trommuleikari og Kristján Edelstein gítarleikari en ekki liggja fyrir upplýsingar um aðra sveitarliða, hún mun að mestu leyti hafa verið skipuð sömu meðlimum og voru í hljómsveitinni Út að skjóta hippa.
Hljómsveitin Fyrirbæri var ein fjölmörgra sveita á Akranesi sem keppti í hljómsveitakeppni Fjölbrautaskóla Vesturlands haustið 1989 en sveitin var þar kjörin frumlegasta sveit keppninnar. Hugsanlega var Fyrirbæri, sem var átta manna sveit stofnuð sérstaklega fyrir þessa keppni og ekki eru heimildir um að hún komi við sögu á öðrum vettvangi en meðlimir hennar voru Anna…
Þrátt fyrir nokkurn fjölda hljómsveita sem borið hafa nafnið Færibandið virðist sú fyrsta ekki hafa verið starfrækt fyrr en við lok níunda áratugar síðustu aldar, þá starfaði sveit undir þessu nafni árið 1989 á Selfossi og var skipuð nokkrum ungum tónlistarmönnum sem flestir áttu eftir að koma víða við sögu í sunnlensku tónlistarlífi. Færibandið starfaði…
Óskað er eftir upplýsingum um hljómsveit frá Akranesi sem starfaði við lok síðustu aldar, að minnsta kosti á árunum 1997 til 2000, undir nafninu Færibandið. Ekkert liggur fyrir um þessa sveit utan ofangreindra atriða en hún mun hafa verið í einhvers konar samstarfi við Grundartangakórinn á einhverjum tímapunkti auk þess að leika á þorrablótum og…
Glatkistan 