Veitingahúsið Naustið við Vesturgötu bauð lengi vel upp á lifandi tónlist fyrir gesti sína og á árunum 1954-70 hafði Naust-tríóið annast þann tónlistarflutning undir stjórn Carls Billich. Frá 1970 til 1980 var hins vegar Tríó Nausts auglýst í blöðum samtímans sem hljómsveit hússins og er þar er um aðra sveit að ræða.

Upplýsingar um þessa sveit eru afar takmarkaðar svo vægt sé til orða tekið en engar upplýsingar finnast um meðlimi hennar eða hljóðfæraskipan, hvort um var að ræða mörg mismunandi tríó undir sama heitinu eða hvort það starfaði samfleytt. Heimildir finnast hins vegar um tvær söngkonur sem sungu með Tríó Naustsins á sínum tíma, Helgu Sigþórsdóttur og Erlu Traustadóttur.

Allar frekari upplýsingar um Tríó Nausts óskast sendar Glatkistunni.