Afmælisbörn 31. janúar 2016

Benedikt Brynleifsson

Benedikt Brynleifsson

Á þessum degi koma fjögur afmælisbörn við sögu Glatkistunnar:

Fyrstan skal telja Árna Matthíasson tónlistarskríbent á Morgunblaðinu um þriggja áratuga skeið, hann hefur einnig setið í dómnefnd Músíktilrauna frá 1987 og skrifað bækur um tónlist svo dæmi séu nefnd. Árni er fimmtíu og níu ára gamall á þessum degi.

Benedikt Brynleifsson trommu- og ásláttarleikari er þrjátíu og sjö ára í dag, hann hefur leikið með ógrynni hljómsveita í gegnum tíðina en 200.000 naglbítar, The Flavors, Hann kafnar, Ísafold, Rokk, Vinir Sjonna og Todmobile eru aðeins örfáar þeirra. Svo þarf varla að taka fram að Benedikt hefur leikið á plötum ýmissa listamanna.

Benni Hemm Hemm (Benedikt Hermann Hermannsson) tónlistarmaður og tónskáld er þrjátíu og sex ára og hefur gefið út margar sólóplötur samhliða því að starfrækja hljómsveit í eigin nafni. Hann hefur einnig leikið með hljómsveitum eins og Rúnk, Motherfuckers in the house og Mósaik.

Einnig hefði Jakob Tryggvason organisti (1907) átt þennan afmælisdag en hann var mikill tónlistafrömuður á Akureyri, var til að mynda skólstjóri Tónlistarskólans þar í bæ og organisti Akureyrararkirkju í um 45 ára skeið. Hann var einnig undirleikari Smárakvartettsins og lék inn á fjölmargar pötur. Jakob lést 1999.