Poppland [1] (1994-95)

Poppland

Poppland

Hljómsveitin Poppland starfaði í nokkra mánuði um miðjan tíunda áratug síðustu aldar.

Reyndar hafði Poppland verið sett saman til að fylgja eftir plötu Björns Jörundar Friðbjörnssonar, BJF fyrir jólin 1994 en sveitin fékk þó ekki nafn fyrr en í upphafi árs 1995 þegar hún var formlega stofnuð.

Meðlimir sveitarinnar voru auk Björns Jörundar sem söng, þeir Birgir Baldursson trommuleikari, Guðmundur Pétursson gítarleikari og Þórir Viðar bassaleikari.

Poppland starfaði fram á sumarið 1995 og lék líklega síðast á tónlistarhátíðinni Uxa 95 sem haldin var á Kirkjubæjarklaustri um verslunarmannahelgina. Lag með sveitinni kom út á safnplötu tengdri þeirri hátíð.