Santos (1986-87)

santos

Santos og Sonja

Hljómsveitin Santos var veturinn 1986-87 húshljómsveit í Þórscafé. Sveitin var stofnuð um vorið 1986, hlaut nafn um sumarið og starfaði fram í júní 1987.

Meðlimir Santos voru Halldór Olgeirsson trommuleikari, Sveinn Guðjónsson hljómborðsleikari [?], Gunnar Guðjónsson bassaleikari [?], Sigurður Jónsson saxófónleikari [?] og Þröstur Þorbjörnsson gítarleikari. Þeir Halldór og Sveinn mynduðu síðar dúettinn Svenson og Hallfunkel.

Fyrst í stað var Sonja B. Jónsdóttir (þáverandi sjónvarpsfréttakona) söngkona Santos en Guðrún Gunnarsdóttir tók við keflinu af henni um miðjan vetur og söng með sveitinni þar til hún hætti.