Ævin er augnablik

Ævin er augnablik
(Lag / texti: Guðmundur Jónsson / Stefán Hilmarsson)

Ísinn er háll, sleipur sem áll.
Fellur sá sem ekki nær að fóta sig.
Freistingin freistar og fisléttur draumur er þinn.
Fáðu mér fé, færðu mér auð.
Í staðinn skal ég breyta þér í svartan sauð.
Enginn er óhultur, allir fá alls konar boð.

viðlag
En þú skalt athuga vel þinn gang.
Gefðu því gaum hvað er í húfi.
Athugaðu þinn gang, ævin er augnablik.
Athugaðu þinn gang.
Gerðu það gott, en spáðu í spilin.
Athugaðu þinn gang, ævin er augnablik.

Galopnast oft gleðinnar dyr.
Gáðu samt og gættu þín á góðum byr.
Freistingin feykir og flýgur svo með þig á braut.
Fyrr en þú ferð færi ég þér
örfá orð í nesti eins og vera ber:
Enginn er öruggur, allt getur gengið á skjön.

viðlag

[á plötunni Sálin hans Jóns míns – Hvar er draumurinn?]