Er það nú sumar

Er það nú sumar
(Lag / texti: Gunnar Þórðarson / Jónas Friðrik Guðnason)

Nei, ég veit ekki um þig
en veðráttan er svolítið að pirra mig,
þegar rigning og rok
bara ræðst á mann og fyllir augu, nef og kok.
Þetta er alls ekkert vit.
Ég fæ aðeins þennan bláa lit.
Er það nú sumar,
er það nú frí.

Mér það hulið hreint er
hverslags veðurfræði er eiginlega stunduð hér.
Alveg brennt fyrir það
að þeir bjóði upp á veður, sem að gagn er að.
Þetta er alls ekkert vit.
Ég fæ aðeins þennan bláa lit.
Er það nú sumar,
er það nú frí.

Fólk segir víst sögur
um svakalega bleytu  á mér
en eins og hér rignir,
það ekki vitund skrýtið er.

Út á svalir ég fór
en sat þar ekki lengi, þar var haugasjór.
Mesta lukka það var
að losna við það hreinlega að drukkna þar.
Þetta er alls ekkert vit.
Ég fæ aðeins þennan bláa lit.
Er það nú sumar,
er það nú frí.

Fólk segir víst sögur,
ég súpi stundum fleira en Spur.
En eins og hér rignir
er engin von ég hangi þurr.

Æ, ég veit ekki um þig
en veðráttan er algjörlega að klára mig.
Hér er aldrei neitt þurrt.
Kannski ætti maður hreinlega að flytja burt.
Þetta er ekki neitt vit.
Ég fæ aðeins þennan bláa lit.
Er það nú sumar,
er það nú frí.

Fólk segir víst sögur…

[á plötunni Ríó tríó – Ekki vill það batna]