Gamli skólinn

Gamli skólinn
(Lag / texti: Magnús Eiríksson)

Góðan daginn, gamla gráa skólahús.
Menntaveginn gekk ég reyndar aldrei fús.
Eina glætan daga langa, í tilverunni var
þegar skólabjallan hringdi í frímínúturnar.

Manstu þéttskrifaðar stundartöflurnar?
Þar stóð enska, landafræði og íslenska,
danska, franska, leikfimi og latína.
Við stóðum öll í röð á bak við rimlana.
Skólasöngur glumdi um alla gangana.

Misupplagðir, lúnir lærimeistarar
okkur leiddu gegnum kennslustundirnar.
Flest við þekktum skammarkrókinn og skulfum lítið eitt
ef við illa lesin kunnum ekki neitt.

Svo var tekið á á miðju vorinu,
vinna mikil við að halda sporinu.
Danska, franska, leikfimi og latína.
Lærdómurinn tók þá oft í taugina

Gamli skólinn genginn er til náða um sinn
Í gamli skólann leitar stundum hugur minn
Ef ég gamlar skólaskræður í hirslum mínum finn
Djúpt í huga mínum hringir bjallan inn

[m.a. á plötunni Mannakorn – Brottför kl. 8]