Hæ!

Hæ!
(Lag / texti: Sálin hans Jóns míns / Friðrik Sturluson)

Færðu þig nær til að finna lykt,
ég er fallegri‘ en á myndum.
Hugsun þín er í hendi mér
því ég hræri í þínum æsta huga.
Lífgaðu við þína lægstu hvöt,
síðan líð ég um þig alla.
Horfðu á mig, þennan heimsins mann,
er ég hamra á þínu veika holdi.

Sálnaveiðir í eltingarleik
umvafinn skýjum, reyk.
Á rólinu klæddur, í rúminu ber,
þú verður að trúa og leggjast.
Það er þessi ljómi sem leikur um mig,
ég límist við veggi, legg álög á þig.

viðlag
Ég fæ allt
sem ég vil.
Leyfið þeim að koma,
bannið þeim það ekki.
Þú brennur, þú fuðrar upp
og leggst að fótum mínum.
Ég sé þig og segi hæ.

Ef ég lít við þér þá mér leyfist allt,
hver er líka til í hópinn?
Ég dreg þig með inn í draumaheim
því þú dýrkar mig og við deyjum saman.

Olía í jörðu, inní mér blóð,
ég blæði og eyði sjóð.
Syng eins og engill, öskra eins og ljón,
hver einasta hreyfing örvandi sjón.
Elvis er dauður, en ég lifi í synd,
það æsir alla endalaus girnd.

viðlag

[á plötunni Sálin hans Jóns míns – Þessi þungu högg]