Heim í Búðardal

Heim í Búðardal
(Lag / texti: Gunnar Þórðarson / Þorsteinn Eggertsson)

viðlag
Er ég kem heim í Búðardal, bíður mín brúðarval
og ég veit það verður svaka partí.
Býð ég öllum í sveitinni, langömmu heillinni,
það mun verða veislunni margt í.

Ég er lukkunnar pamfíll, svei mér þá
þó ég hafi ekki víða farið.
Ég er umvafinn kvenfólki, það get ég svarið
og minna gagn gera má.

Þegar vann ég í Sigöldu, meyjarnar mig völdu
til þess að stjórna sínum draumum.
En nú fer ég til Búðardals,
beint heim til kerlu og karls sem af gleði tárast í taumum.

Því nú grætt hef ég meira en mér finnst nóg.
Heimasætur gefa mér hýrt auga
og ég veit að með mér þær vilja setja upp bauga,
svo verður mér um og ó.

viðlag

[m.a. á plötunni Ðe lónlí blúbojs – Stuð stuð stuð]