Komdu í partí

Komdu í partí
(Lag / texti: Magnús Eiríksson)

Ég var að rúnta í ræfilslegum Ford ’57,
einmana í brakinu og klukkan orðin tvö.
Þá urðu á vegi mínum “pæks”, ég veifaði upp á grín,
þær sögðu komdu, komdu, komdu í partí til mín.

Veistu hvað ég gerði þarna á gamla Fordinum?
Bauð þeim öllum þremur far og kveikti á Kananum.
Ég spurði hvert skal halda og hvort einhver ætti vín,
þær sögðu komdu, komdu, komdu í partí til mín.

Við komum svo í kyrrlátt hús og kveiktum þar dauf ljós,
þær komu svo með brennivín og Kóka kóla í dós.
Þær klæddu sig úr hverri spjör og kneifuðu þetta vín,
þær sögðu komdu, komdu, komdu í partí til mín.

[m.a. á plötunni Mannakorn – Mannakorn]