Leit

Leit
(Lag / texti: Rúnar Þór Pétursson / Þorsteinn Magnússon)

Með lokuð augun ég löngum stari
og leita að hinu eina svari,
með luktum munni spurninga spyr.

Með lokuð eyru ég ligg og hlera
og langar að vita hvað ber að gera
við lífið handan við dauðans dyr.

Er þetta kannski allt saman blekking
og ekkert í lífinu nýtanleg þekking,
á engu gerandi endanleg skil?

Með lokuðum huga ég læsi mig inni
í lífinu sjálfu, skelinni minni
sem hvort eð er, er hvergi til.

[á plötunni Rúnar Þór Pétursson – Hugsun]