Síldarvalsinn

Síldarvalsinn
(Lag / texti: Steingrímur Sigfússon / Haraldur Sófaníasson)

Syngjandi sæll og glaður
til síldarveiða nú ég held,
það er gaman á Grímseyjarsundi
við glampandi kvöldsólareld.
Þegar hækkar í lest og hleðst mitt skip
við háfana fleiri og fleiri,
svo landa ég síldinni sitt á hvað
á Dalvík og Dagverðareyri.

Seinna er sumri hallar
og súld og bræla er,
þá held ég fleyi til hafnar,
í hrifningu skemmti ég mér.
Í dunandi dansi, við dillandi spil
og dansana fleiri og fleiri,
því nóg er um hýreyg og heillandi sprund
á Dalvík og Dagverðareyri.

[m.a. á plötunni Sigurður Ólafsson – Þín minning lifir]