Sjómannavalsinn

Sjómannavalsinn
(Lag / texti: Svavar Benediktsson / Kristján frá Djúpalæk)

Það gefur á bátinn við Grænland
og gustar um sigluna kalt
en togarasjómanni tamast það er
að tala sem minnst um það allt.

En fugli sem flýgur í austur
er fylgt yfir hafið með þrá
og vestfirskur jökull sem heilsar við Horn
í hillingu með sólbroðna brá

viðlag
segir „velkominn heim“,
segir „velkominn heim“,
þau verma hin þögulu orð.
Sértu velkominn heim
yfir hafið og heim,
þá er hlegið við störfin um borð.

En geigþungt er brimið við Grænland
og gista það kysi ekki neinn.
Hvern varðar um draum þess og vonir og þrár
sem vakir þar hljóður og einn.

En handan við kólguna kalda
býr kona sem fagnar í nótt
og raular við bláeygan sofandi son
og systur hans þaggandi hljótt.

viðlag

[m.a. á plötunni Svona var 1953 – ýmsir]