Sjómannavísa

Sjómannavísa
(Lag / texti: Magnús Eiríksson)

Vindur í laufi og vor upp í sveit,
vesælir mávar í æti að leit.
Verbúðin tómlega vingast við mig
en vina ég elska aðeins þig.

Eitt er að lifa og annað að þrá,
ætíð í drauminum þig mun ég sjá
á plani sitjandi prúða á svip
er ég príla um borð í mitt skip.

Sjóveikur æli í ólgandi haf,
aumingja dallurinn  ætlar í kaf.
Ýsur og þorskar einblína á mig
en vina ég elska‘ aðeins þig.

Lalalaaaa…
En vina ég elsk‘a aðeins þig.

Ég er á sjónum en þú suðr‘ í vík.
Sérðu ekki að örlögin æ eru slík
að ég verð að fara og koma á ný
og get ekki gert neitt í því.

Nú æpir karlinn að kaffið sé kalt,
andskotans kokkurinn eitraði allt.
Andartak eftir hann æpir á mig
en vina ég elska aðeins þig.

Lalalaaaa…
En vina ég elsk‘a aðeins þig.

[m.a. á plötunni Vilhjálmur Vilhjálmsson – Dans gleðinnar]