Við Reykjavíkurtjörn

Við Reykjavíkurtjörn
(Lag / texti: Gunnar Þórðarson / Davíð Oddsson)

Við Reykjavíkurtjörn á rölti eftir dansleik,
ég stúlku leit og nú ég veit
að þá fór lífið á stjá.

Þá sælu sumarnótt, sungu regnvot strætin
um hamingjuna sem þá var rétt innan seilingar.

Í bárujárnshús við Bergþórugötuna
bar ég okkar skrifpúlt, stól og rúm.
Gleði og trú, bjartsýni, æska og von,
borgarbarna veganesti var.

Og ennþá niður að tjörn, ég einatt reika á kvöldin
og margt ég sá sem minnti á
það allt sem lifði ég þá.

Þá sælu sumarnótt, sungu regnvot strætin
um hamingjuna sem þá var rétt innan seilingar.

Og bárujárnshús við Bergþórugötuna
bíða þess að lifna eitt og eitt.
Af gleði og trú, bjartsýni, æsku og von,
barna sem að hefja lífið þar.

[m.a. á plötunni Gunnar Þórðarson – Reykjavíkurflugur]