Septa (1989)

engin mynd tiltækEkki liggur fyrir hvort hljómsveitin Septa frá Bolungarvík var í raun starfandi sveit en hún átti lag á safnplötunni Vestan vindar, sem gefin var út af vestfirsku tónlistarfólki árið 1989.

Meðlimir sveitarinnar á plötunni voru systkinin Pálína söngkona, Haukur trommuleikari og Hrólfur hljómborðsleikari Vagnsbörn, auk þess sem Magnús Hávarðsson gítarleikari, Kristinn Svavarsson saxófónleikari og nýstirnið Stefán Hilmarsson söngvari komu við sögu flutningsins. Þeir tveir síðast töldu munu líklega ekki hafa verið í sveitinni.

Septa virðist ekki koma meira við sögu íslenskrar tónlistar sem hljómsveit en fáeinum árum síðar gáfu systkinin út plötu undir merkjum útgáfufyrirtækisins Septu.