Bráðum koma jólin

Bráðum koma jólin
(Lag / texti: erlent lag / Friðrik Guðni Þórleifsson)

Skín í rauðar skotthúfur
skuggalangan dagin,
jólasveinar sækja að,
sjást um allan bæinn.
Ljúf í geði leika sér
lítil börn í desember,
inni‘ í frið og ró,
úti‘ í frost og snjó
því að brátt koma blessuð jólin,
bráðum koma jólin.

Uppi‘ á lofti, inni‘ í skáp
eru jólapakkar,
titra öll af tilhlökkun
tindilfættir krakkar.
Komi jólakötturinn
kemst hann ekki‘ í bæinn inn,
inn í frið og ró,
inn úr frosti‘ og snjó
því að brátt koma blessuð jólin,
bráðum koma jólin.

Stjörnur tindra stillt og rótt,
stafa geislum björtum.
Norðurljósin lokaskær
leika‘ á himni svörtum.
Jólahátíð höldum vér
hýr og rjóð í desember.
Þó að feyki snjó
þá í frið og ró
við höldum heilög jólin,
heilög blessuð jólin

[m.a. á plötunni Skólakór Kársness – Hringja klukkurnar í kvöld]