Hvít er borg og bær

Hvít er borg og bær
(Lag / texti: Ingibjörg Þorbergs / Erla Þórdís Jónsdóttir)
 
Hvít er borg og bær,
bjartur jólasnær
hylur kaldan svörð,
hýst er bóndans hjörð.
Kirkjan kallar enn,
Kristi fagna menn,
á jólahátíð gefi Guð
gleði‘ og frið á jörð.

viðlag
Ljúfan óm, helgan hljóm,
heim frá kirkju ber.
Hringt er blítt, hljómar þýtt,
heilög stundin er.
Ljósum prýdd, litum skrýdd,
ljóma trén svo græn.
Til himins hljótt á helgri nótt
heita sendum bæn.

Senn er úti ár.
Öll þess bros og tár
ýmist verða gleymd
eða‘ í minni geymd.
Tendrum ljós á tré,
trúin helga sé
í vetrarmyrkri vegaljós
og vermi kaldan heim.

viðlag

[af plötunni Hvít er borg og bær – ýmsir]