Jólalalag

Jólalalag
(Lag / texti: erlent lag / Bragi Valdimar Skúlason)

Á aðventunni ómar eitt stef,
óbeit á hverju ég hef sem og andstyggð.
Þjóðin elskar þennan söng,
þrumar hann dægrin löng gervöll landsbyggð.

Gegndarlaust í eyrum ómar það
ofurvemmilegt og fjölraddað.
Nótt sem nýtan dag – þetta lag.

Söngur þessi sumum er kær,
sá í huga mér fær alveg spes rúm.
Textinn hálfgerð hrákasmíð er,
hann er um desember, já og Jesúm.

Gegndarlaust í eyrum ómar það
yfirgengilega dauðhreinsað.
Nótt sem nýtan dag – þetta lag.

Linnulaust í hlustun hljómar það
helgislepjulegt og strásykrað.
Nótt sem nýtan dag – þetta lag.

Mest í því fjallað um frið,
fátækt austurlenskt lið, já og engla.
Verst er þó að öld af öld
ofspilar fjölmiðlafjöld þetta í hengla.

Sleitulaust í hlustum hljómar það
heilaslævandi og uppskrúfað
nótt sem nýtan dag – þetta lag.

[af plötunni Baggalútur – Næstu jól: 11 ástsæl aðventu- & hátíðarlög]