Söngur veiðimannsins

Söngur veiðimannsins
(Lag / texti: Sverrir Stormsker)

Ég er sonur Mæju mey,
mig hún ól í denn.
Ég fæddist til að veina „vei“
og veiða alla menn.

Ég er besti bróðir þinn,
sá besti á jörðu hér,
vænsti barnavinurinn,
þú veist víst hver ég er?

Ég er Jesúbarnið góða,
af gleði‘ og ást ég skín.
Lofið gjöfunum að koma
öllum til mín.

Ég hef þolað písl og pín,
ég píndist fyri þig.
Ég á það skilið ástin mín
að þú dýrkið mig.

Ég er Jesúbarnið góða,
af gleði‘ og ást ég skín.
Lofið gjöfunum að koma
öllum til mín.

We love you Je Je-sú,
we love you Je Je-sú,
og þú veist jú að
við á þér höfum trú.

Ég er æðstur, alvitur,
ég einn á skilið hrós,
hógværastur, himneskur,
heimsins eina ljós.

We love you Je Je-sú.
We love you Je Je-sú…

[af plötunni Sverrir Stormsker – Nú er ég klæddur og kominn á rokk og ról]