Vormenn Íslands [4] (2001-06)

Vormenn Íslands hinir fyrri

Snemma á öldinni voru tónleikar auglýstir undir yfirskriftinni Vormenn Íslands. Þar var um tvenns konar verkefni að ræða – annars vegar var það veturinn 2001 til 02 að tenórarnir Jóhann Friðgeir Valdimarsson og Jón Rúnar Arason auk Ólafs Kjartans Sigurðssonar baritónsöngvara komu fram með Sinfóníuhljómsveit Íslands í nokkur skipti í Háskólabíói og sungu ýmsar þekktar óperuaríur. Hins vegar voru það Ólafur Kjartan og Jóhann Friðgeir sem komu fram ásamt Óskari Péturssyni tenór í tónleikaröð um landsbyggðina fyrri hluta árs 2006 og sungu auk aría, íslensk einsöngslög og söngleikjalög, með þeim í för var píanóleikarinn Jónas Þórir Þórisson..