Grand [1] (1988)

Hljómsveit að nafni Grand starfaði í fáeina mánuði fyrri hluta árs 1988 og lék nokkuð á öldurhúsum höfuðborgarsvæðisins.

Meðlimir voru þeir Jón Ólafsson bassaleikari, Vignir Bergmann gítarleikari, Sveinn Guðjónsson hljómborðsleikari og Halldór Olgeirsson trommuleikari, ekki liggur fyrir hver þeirra sá um sönginn en allir voru þeir gamalgrónir tónlistarmenn sem höfðu leikið með ýmsum þekktum sveitum í gegnum tíðina.