Tregalagið

Tregalagið
(Lag / texti: Þorvaldur Bjarni Þorvaldsson / Andrea Gylfadóttir)

Það líða ár, það myndast gjár
því tíminn ekki bíður.
Það drjúpa tár í opin sár
því sársaukinn þig svíður.
Sársaukinn þig svíður.

En veistu að þú átt,
þú átt þitt val,
ræður aleinn ríkjum,
konungur í hugarins sal,
þó við hin svíkjum – endalaust.

Ekki kikna
þó draumarnir drukkni einn og einn.
Ekki blikna
þó vegurinn sé ei beinn.

Það birtir til ef að er gáð,
þú stjórnar því víst sjálfur.
Þó tímabil sé þyrnum stráð
og lífið orðagjálfur.
Það birtir til ef að er gáð,
Þú stjórnar því víst sjálfur.

Það líða ár, það myndast gjár
því tíminn ekki bíður.
Það drjúpa tár í opin sár
því sársaukinn þig svíður.
Sársaukinn þig svíður.

En veistu að þú átt,
þú átt þitt val,
ræður aleinn ríkjum,
konungur í hugarins sal,
þó við hin svíkjum.

Það birtir til ef að er gáð,
þú stjórnar því víst sjálfur.
Þó tímabil sé þyrnum stráð
og lífið orðagjálfur.
Það birtir til ef að er gáð,
þú stjórnar því víst sjálfur.
Þetta er þitt líf,
þetta er þitt líf.
Þetta er þitt eigið líf.
Sannleikann sjáðu
og trúna á þig fáðu – á ný.

[af plötunni Todmobile – Todmobile]