Fox voices (1983)

Fox voices

Hljómsveitin Fox voices vakti nokkra athygli sumarið og haustið 1983, bæði fyrir lipra spilamennsku en ekki síður fyrir að meðlimir sveitarinnar voru aðeins tíu og ellefu ára gamlir. Þrátt fyrir ungan aldur léku þeir félagar á tónleikum og á tónleikastöðum sem öllu jöfnu voru skipaðir fullorðnu fólki.

Fox voices var tríó tveggja gítarleikara og trommuleikara og voru meðlimir sveitarinnar Jóhann Ófeigsson og Pétur Sigurþór Jónsson gítarleikarar og Stefán Már Magnússon trommuleikari. Þeir áttu allir eftir að koma við sögu í tónlist þótt með mismiklum hætti væri.