Skafti og Jóhannes (1968-74)

Glatkistan óskar eftir upplýsingum um dúóið Skafta og Jóhannes sem komu fram víðs vegar um sunnan og vestanvert landið á árunum í kringum 1970, heimildir finnast um þá elstar frá 1968 og allt fram til 1974 en þeir gætu hafa starfað mun lengur.

Þeir Skafti og Jóhannes komu mest fram í Borgarfirðinum og þar í kring, og t.d. komu þeir a.m.k. tvívegis fram á útihátíð í Húsafelli um verslunarmannahelgar og léku þar gömlu dansana. Hér er giskað á að þeir hafi verið harmonikkuleikarar en kunnugir mættu gjarnan senda Glatkistunni nánari upplýsingar um þá félaga.