Ég elska bækur

Ég elska bækur
Lag og texti Bubbi Morthens)

Orðin eins og litir og málverk til mín koma,
móðurlausa stafi í fóstur ég tek,
bókin er galdur sem geymir sjálfan tímann,
í skjóli þíns hugar þar finnur hún þrek,
bókin er og verður þinn vinur.

Bókin er svalandi lækur
og ég segi það upphátt
og ég hvísla það í hljóði,
ég elska bækur.

Hve lífið yrði fátækt ef fyndust öngvir pennar
sem færðu okkur bækur eða ljóð að gjöf,
hve lífið yrði sorglegt ef sjónvarp væri eina
siglingin um hugans stóru úthöf,
bókin er ævintýrahöfnin.

Bókin er svalandi lækur
og ég segi það upphátt
og ég hvísla það í hljóði,
ég elska bækur.

[af plötunni Bubbi Morthens – Allar áttir]