Enginn grætur Íslending
(Lag / texti: Ingibjörg Sigurðardóttir / Jónas Hallgrímsson)

Enginn grætur Íslending
einan sér og dáinn,
þegar allt er komið í kring
kyssir torfa náinn.

Lifðu sæl við glaum og glys,
gangi þér allt í haginn,
í öngum mínum erlendis
yrki ég skemmsta daginn.

Mér er þetta mátulegt
mátti vel til haga,
hefði ég betur hana þekkt
sem harma ég alla daga.

Sólin heim úr suðri snýr,
sumri lofar hlýju,
ó að ég væri orðinn nýr
og ynni þér að nýju.

[af plötunni Heyrði ég í hamrinum – ýmsir]