Menn að hnýta snörur

Menn að hnýta snörur)
Lag / texti: Bubbi Morthens)

Hún vinnur úti eins og tíðkast hér
áhyggjur og fjögur börn líkt og vera ber
kallinn er á sjónum þénar sama og ekki neitt
saman herða ólina og engu geta eytt.

Þau heima engar milljónir bara mannsæmandi laun
matarskatt í bónus fá og skilja ekki baun
þau þekkja bara vinnuna í víti af henni er nóg
vakna til að lifa og aldrei finna ró

Sjaldan þú heyrir um hryllinginn þann
hengdan útí bílskúr sinn föður barnið fann
með skilaboð á miða skrá ég get ei meir
skuldin er hjá mér og þér á því lifa þeir

Barnfóstran er videó þau vaka fram á kvöld
vita ekki um skuldirnar sem duga í heila öld
en rifrildin þau heyra og hræðslan smýgur inn
þau híma undir sænginni með náföla kinn

Sjaldan sérðu uppboðin né andlitin grá
eða augu full af tárum og vonlausri þrá
þér þykir sjálfsagt skrýtið að skuldin er hjá oss
skondið er að vita þessu veldur lítill kross

[af plötunni Bubbi og Megas – Bláir draumar]