Undir Dalanna sól
(Lag / texti: Björgvin Valdimarsson / Hallgrímur Jónsson)

Undir Dalanna sól við minn einfalda óð
hef ég unað við kyrrláta för,
undir Dalanna sól hef ég lifað mín ljóð,
ég hef leitað og fundið mín svör.

Undir Dalanna sól hef ég gæfuna gist,
stundum grátið en oftast í fögnuði kysst.
Undir Dalanna sól á ég bú mitt og ból
og minn bikar, minn arinn,
minn svefnstað og skjól.

Undir Dalanna sól hef ég gæfuna gist,
stundum grátið en oftast í fögnuði kysst.
Undir Dalanna sól á ég bú mitt og ból
og minn bikar, minn arinn,
minn svefnstað og skjól.

Og minn bikar, minn arinn,
minn svefnstað og skjól.

[m.a. á plötunni Karlakórinn Heimir – Undir bláhimni]