Afmælisbörn 8. maí 2015

Ari Jónsson 1971

Ari Jónsson

Fimm afmælisbörn í tónlistarsögu Íslands eru í gagnagrunni Glatkistunnar að þessu sinni:

Ari Jónsson söngvari og trommuleikari er 65 ára í dag. Auk þess að hafa gefið út sólóplötur og sungið á plötum ýmissa annarra listamanna, hefur Ari sungið og leikið með hljómsveitum á borð við Roof tops, Ómum, Altó, Borgís, Pónik, Sheriff, Ríó tríó, Cabarett og Hljómsveit Stefáns P.

Bergur Jón Þórðarson (Bergur Thorberg) er sextíu og fjögurra ára gamall í dag en hann gaf út sólóplötuna Metsöluplata sem kom út 1989, á henni var að finna frumsamið efni. Bergur hefur einnig starfað við myndlist og eru myndir hans, málaðar með kaffi, þekktar.

Valgeir Skagfjörð er 59 ára. Valgeir er laga- og textahöfundur, auk þess að hafa sungið og leikið á hljómborð í hljómsveitum eins og Haukum, Óla Fink, Tíbrá, Cabarett og Hafrót. Valgeir hefur sem tónskáld verið tíður gestur í undankeppnum Eurovision keppninnar, Söngvakeppni Sjónvarpsins.

Ellen (Rósalind) Kristjánsdóttir söngkona er fimmtíu og sex ára. Ellen hefur, auk þess að hafa gefið út sex sólóplötur, sungið á plötum margra annarra tónlistarmanna. Hún hefur einnig starfað með bróður sínum KK og sungið gríðarlega mörg vinsæl lög með hljómsveitum eins og Ljósunum í bænum, Borgardætrum, Tívolí, Mannakornum, Póker og Kombóinu sem dæmi séu tekin.

Lizzie Þórarinsdóttir sópransöngkona og bóndakona í Suður-Þingeyjasýslu (f. 1875) hefði átt afmæli á þessum degi en hún var fyrst kvenna til að syngja á plötu hérlendis. Lizzie var skosk en fluttist til Íslands þegar hún kynntist verðandi eiginmanni sínum. Hún lést 1962.