Jakob Lárusson (1909-2000)

Tríó Jakobs Lárussonar

Jakob Lárusson lengst t.v.

Jakob Lárusson píanóleikari (1909-2000) var ekki áberandi í íslensku tónlistarlífi en hann starfrækti Tríó Jakobs Lárussonar (stundum einnig kallað Konkúrrantarnir) á síðari hluta fjórða áratugar síðustu aldar á Siglufirði þegar síldin setti svip sinn á bæjarlífið þar.

Jakob kenndi á píanó bæði sunnan heiða og norðan, og heyrðist píanóleikur hans einnig leikinn í útvarpinu í nokkur skipti en ekki finnast miklar upplýsingar um hann að öðru leyti. Hann átti norskan föður en var tekinn í fóstur á Harrastöðum í Dalasýslu, sem hann kenndi sig við síðan – og mun hafa búið þar síðar, jafnvel til dauðadags en hann lést árið 2000.