Ég kemst í jólafíling

Ég kemst í jólafíling
(Lag / texti: erlent lag / Bragi Valdimar Skúlason)

Jafnan í desember þegar jól gera við sig vart
þá er alvanalegt að tína fram dáldið jólaskart.
Og alltaf finnst mér jafn gaman, gæskur,
er getum við hengt það upp saman.

Ég kemst í jólafíling, algeran jólafíling.
Ég kemst í jólafílinginn með þér.

Við neglum grenigrein upp á vegg, græjum fjöltengin
og inn úr garðinum dreg ég snjóbarinn normansþin.
Við tendrum gyðingaljós í glugga
og guð hvað þau eru alltaf kósí.

Ég kemst í jólafíling, klikkaðan jólafíling.
Ég kemst í jólafíling með þér.

Elsku vinur, ég skóinn út í glugga fann.
Ef þú ert þægur færðu kannski gott í hann.
Gleðileg jól, já jól og friðsæld um gervallan heim.
Og skál, skál, skál – skál fyrir okkur tveim.

Jólin, jólin eru fín.
Gleðileg jól og friður á jörð.
Farsælt nýtt ár.

Ég kemst í jólafíling, sjúklegan jólafíling.
Ég kemst í jólafíling með þér, með þér.
Snemma í desember.

Kominn í jólagírinn, horngrýtis jólagírinn.
Dettum í jólagír á ný með þér.

[af plötunni Baggalútur – Næstu jól: 11 ástsæl aðventu- & hátíðarlög]